ফাগুন ঘূৰি ফুৰে
পকা কৰা দমকলৰ পাৰটো
পুৱা বগা পৰি থাকে
ফাগুন ঘূৰি ফুৰে
.
লেপ কম্বলৰ পৰা ফাঁক বিচাৰি
ভৰি দুখন নাঙঠ হৈ পৰে
ফাগুন ঘূৰি ফুৰে
.
দূৰণিৰ কাৰোবাৰ মাৰৈপূজাৰ ওজাপালিৰ
কঁপা কঁপা সুৰ আহি খিৰিকীত খুন্দা মাৰে
ফাগুন ঘূৰি ফুৰে
.
গাঁওৰ সকলো মানুহ শুই পৰিলে
ইখন বাৰীয়ে সিখন বাৰীৰ পাতেৰে গোপন কথা পাতে
ফাগুন ঘূৰি ফুৰে
.
বিনাসপোনত তোমাৰ কিবা ভাল লাগি পৰে
বিনাসকামত তোমাৰ মন উৰি উৰি ফুৰে
বিনাকাৰণত তোমাৰ বুকুত শিমলুৰ ৰঙাবোৰ ফুলে
ফাগুন ঘূৰি ফুৰে ।।
কবি:- ණ হিমাংগ দাস ৷
No comments:
Post a Comment