ডায়েৰী ණ ডুলুমণি ৰয়

ডায়েৰী

বহুদিনেই হ'ল
তোক বিচাৰি নোচোৱাৰ
উৱলি যোৱা ৰঙবোৰৰ
ঠিকনা হেৰুৱাৰ....
.

যৌৱনৌদীপ্ত হাতেৰে এদিন
সাৱতি লৈছিলোঁ তোক
আৱেগৰ চিঁয়াহীৰে
সজাই তুলিছিলো প্ৰতি পৃষ্ঠা...
,
,
শুকুলা আঁচলত
কিমান আৰু আঁকিবি
উষ্ম বতাহজাকে আলিংগন কৰা
আবেলিবোৰৰ কথা
উজাগৰি নিশাত
দিক্-বিদিক্ হেৰুৱা
সপোনবোৰৰ কথা...
,
আঁচুতীয়া কোণত তই
বাঁহ সজাৰ পৰাই
হৃদয়ত বন্দী হ'ল অশ্ৰুকণা
সোঁৱৰণিবোৰ পি পি
বন্দীশালত অন্তঃসত্বা হ'ল শব্দ...
,
এতিয়া কলমটোৱে জানে
বেদনাবোৰ ডায়েৰীটোত
প্ৰসৱ কৰিলেই
উপশম ঘটিব
কেইবামহীয়া বিষ....

কবি:-

ණ ডুলুমণি ৰয়।