নamami (নমামি)ණমাধৱ দত্ত

নamami (নমামি)
~~~~~~~~~~~~~

ল'ৰা ৰজা !

দেখা নাই অভিশপ্ত ব্ৰহ্মপুত্ৰক !
আশীৰ্বাদ কাৰ বাবে ?
ৰজাৰ বাবে !
নে
প্ৰজাৰ বাবে ??
ঠিকাদাৰৰ বাবে !
ইঞ্জিনীয়াৰৰ বাবে !!
কাৰ বাবে ?
কাৰ বাবে ??

খহনীয়াত সৰ্বশ্ৰান্ত হোৱা
মুহিৰামৰ ভগা পঁজা দেখা নাই ?
নে দেখা নাই
মথাউৰিৰ কাম কৰি
ৰাতিৰ ভিতৰতে
ধন কুবেৰ হোৱা
ৰামবাবুৰ ৰাজ অট্ৰালিকা ??
দেখা নাই !
শুনা নাই !!

সেই বাবেইতো নমামি ব্ৰহ্মপুত্ৰ !
সেই বাবেইতো
নমামি ঠিকাদাৰস্ত !
নমামি পুঁজিপতিস্হ !!

হেৰ ' ল'ৰা ৰজা !
নালাগে সানিব আশীৰ্বাদৰ ৰং ,
পাৰা যদি ঘুৰাই দিয়া
মুহিৰামৰ ধন !
সেই ধন তোমাৰো হ'ব ৷
মুহিৰামৰো হ'ব ৷
ব্ৰহ্মপুত্ৰৰো হ'ব ৷

বিগ বিয়ে শুনেনে -
হতভগীয়া মুহিৰামৰ হিয়া ভঙা মাত ?
দালাই লামাই দেখেনে
উৱলি যোৱা ৰতনৰ স্কুলখন ?

কোনে দেখে ?
কোনে শুনে ??

সেয়েহে কৈছো ল'ৰা ৰজা !
ব্ৰহ্মপুত্ৰক ব্ৰহ্মপুত্ৰহৈ বৈ থাকিবলৈ দিয়া ৷
পাৰা যদি ঘুৰাই দিয়া মুহিৰামৰ ধন ৷
আশীৰ্বাদৰ ৰং চটিয়াই দিয়া -
অসমী আইৰ আকাশে বতাহে ৷

ঠিকাদাৰী নমামি নালাগে ৷
ইঞ্জিনীয়াৰৰ নমামি নালাগে ৷
হেৰা ল'ৰা ৰজা !
নালাগে নালাগে !!

কবি:-

ණমাধৱ দত্ত ।