ৰাজদণ্ডණচায়েদ আহমেদ চাহ

ৰাজদণ্ড

দিনটো সি মৰা সাপ পৰাদি পৰি থাকে
বেলি ডুবিলেহে এঙামুৰি দি উঠি বহে
আৰু ডাঠ হাবিডৰাত নিজৰ স্থিতিৰ উমান লয়
খুউব মনোযোগেৰে আকাশখন নিৰীক্ষণ কৰে
গ্রহ নক্ষত্রৰ অৱস্থিতিৰ বুজ লয়
তাৰ হাতৰ মুঠিত চটফটাই থাকে এটা প্রাচীন দম্ভই
প্রৱল আত্মবিশ্বাসী এক আন্তৰ্জাগতিক অগ্নিস্তম্ভ
চৰম ঔদ্ধত্যৰে আকাশৰ বক্ষৰ পৰা
নক্ষত্রসমূহক কক্ষচ্যুত কৰি
নিষ্কন্টক কৰে তাৰ সিংহাসন...

কবি:-

ණচায়েদ আহমেদ চাহ ।