মেঘমল্লাৰ ৰাগ এটা -উইল চিদ্দিকুৰ ৰহমান

মেঘমল্লাৰ ৰাগ এটা

কালি ৰাতি বৰকৈ বতাহ বলিছিল
অজুহাত এটা বিচাৰি
চিলনীৰ জীয়েকৰ ঘৰলৈ
বৰদৈচিলাজনী

দোপালপিটা বৰষুণত তিতি
পুঠি-খলিহাৰ গুমৰাগ জলকেলি

কালি ৰাতি বৰকৈ বতাহ বলিছিল
আকাশৰ পৰা
ছনপৰা মাটিডৰাত
লমালমে তৰাফুল সৰিছিল

চ’তৰ ছিৰাল-ফটা পথাৰ ডৰাত
কেঁচামাটিৰ গোন্ধ এটা বিচাৰি
কোনে বজায় সোণৰ বাঁহী

বুকুত মোৰ
মেঘমল্লাৰ ৰাগ এটা
ৰিণিকি-ৰিণিকি

কবি:

-উইল চিদ্দিকুৰ ৰহমান ।