দাপোণত কাৰ মুখ -উইল চিদ্দিকুৰ ৰহমান

দাপোণত কাৰ মুখ

দাপোণ ভঙা শব্দ এটাত থমকি ৰলোঁ হঠাৎ।
অনর্গল কথাকোৱা মানুহজন গ’ল যি গ’লেই
উভতি নহাৰ প্রতিশ্রুতি
নির্লিপ্ত নিতাল আকাশখনত তেতিয়া
ৰূ-ৰূৱাই জ্বলিছিল সন্তাপৰ জুই একুৰা
যেনি তেনি
চৰাইবোৰৰ ঠোঁটত নিঠৰ
বৃত্ত ভঙাৰ সংলাপ,
বৃত্তৰ ভিতৰৰ যুক্তি তর্ক গল্প অকস্মাত।
আঁৰ-কাপোৰ তৰি
মানুহজন গ’ল যি গ’লেই
উভতি নহাৰ প্রতিশ্রুতি

( নাট্য-সাহিত্যৰ পুৰোধা অৰুণ শর্মাৰ বিয়োগত শ্রদ্ধাঞ্জলি...)

কবি:

-উইল চিদ্দিকুৰ ৰহমান ।