অনুভৱী প্ৰেয়সী

অনুভৱী প্ৰেয়সী

মই নহয় কোনো নীলনয়না
নতুবা কোনোবা পৰিণীতা
যাৰ বাবে পাতিবা তুমি
শব্দ মেলা
অথবা,
স্থগিত ৰাখিবা
হৃদয়ৰ নিলাম....
,
তুমি স্মৃতিৰ ষ্টেচনত ৰৈ
নিৰাশাৰ লগত তেওঁক বিনিময় কৰা
আৰু মই,
তোমাৰ লগত নিৰাশাক সাৱতি
আলফুলে থৈ দিও হৃদয়ৰ কোণত...
,

অপেক্ষা মইও কৰো,
তুমি কৰা
দিনবোৰ মাহ হোৱাৰ
আৰু মই কৰো
বছৰবোৰ ছুটি হোৱাৰ....
,
তুমি কোৱা,
জীৱন বৰ নিৰস
আশাবোৰ মিছা
হাঁহিবোৰে কষ্ট দিয়ে
আৰু মই...
শূণ্যতাৰ বুকুতো
আশাৰ ৰেঙণি আঁকি লৈ
নিসংগতাৰ আলিংগনেৰে
হৃদয়ক কঠিন কৰি
সময়ক চলা

ණ ডুলুমণি ৰায় ৷