এযোৰ পানীচন্দা
মাছ
.
শুই থকা বেহেলা এখনৰ বুকুত
সাৰে আছে নৈখন
সৰাপাতৰ দৰে উটি যোৱা পানচৈবোৰ
জোনাকৰ ৰেৱাৰে বন্ধা এটি এটি সুৰ
.
শিলনিত মূৰ খুন্দিয়াই
জাহ যোৱা সাধুকথাবোৰে
দুহাত মেলি তুলি লয়
মন-জলাহত ফুলা এটি এটি তৰাফুল
.
সৌ ঘাটতে পৰি আছিল এখনি পাটৰ চেলেং
ৰূপৰ মিনাকৰা জোনৰ মুখ যেন
এচলু জোনাকত সাঁতুৰি ফুৰা
এযোৰ পানীচন্দা মাছ
.
ভঙা দলঙত ফাঁচ লাগি মৰা গাভৰুজনী
তাইৰ থৰ চকুহালত এতিয়াও
এটা মৰা জোনৰ ৰাতি ....
ණ অনিতা গগৈ । .
শুই থকা বেহেলা এখনৰ বুকুত
সাৰে আছে নৈখন
সৰাপাতৰ দৰে উটি যোৱা পানচৈবোৰ
জোনাকৰ ৰেৱাৰে বন্ধা এটি এটি সুৰ
.
শিলনিত মূৰ খুন্দিয়াই
জাহ যোৱা সাধুকথাবোৰে
দুহাত মেলি তুলি লয়
মন-জলাহত ফুলা এটি এটি তৰাফুল
.
সৌ ঘাটতে পৰি আছিল এখনি পাটৰ চেলেং
ৰূপৰ মিনাকৰা জোনৰ মুখ যেন
এচলু জোনাকত সাঁতুৰি ফুৰা
এযোৰ পানীচন্দা মাছ
.
ভঙা দলঙত ফাঁচ লাগি মৰা গাভৰুজনী
তাইৰ থৰ চকুহালত এতিয়াও
এটা মৰা জোনৰ ৰাতি ....
No comments:
Post a Comment