তন্বীবালা নাচে
উল্লাসে
বহ্নিশিখা ধাচে
তন্বীবালা নাচে সৌ উল্লাসে
মুগ্ধ তাকে হেৰে স্তব্ধ মেঘ হাঁহিৰে উদ্ভাসে
মুগ্ধ তাকে হেৰে স্তব্ধ মেঘ হাঁহিৰে উদ্ভাসে
শিঞ্জিনীৰ ৰৱ
জিঞ্জিনি নভ মাঝে গুঞ্জৰে
বর্ণছটা ঘোৰ ঘনঘটা কনক পুঞ্জ ৰে
কুন্দমুঞ্জ প্রায় গন্ধ ভৃঙ্গই পায় উচ্ছাসে
বর্ণছটা ঘোৰ ঘনঘটা কনক পুঞ্জ ৰে
কুন্দমুঞ্জ প্রায় গন্ধ ভৃঙ্গই পায় উচ্ছাসে
মন্দাকিনী তীৰে
ছন্দ কোনে নিজৰি ঝৰায়
দিগ্বিদিকত ফুৰে ঋক-বেদিক সুৰে গাই
সন্ধ্যাগগনৰ নন্দনবনৰ কি হৃষ্যা যে
দিগ্বিদিকত ফুৰে ঋক-বেদিক সুৰে গাই
সন্ধ্যাগগনৰ নন্দনবনৰ কি হৃষ্যা যে
উত্থিত কৰে
পৃথ্বীক বৰে ছন্দিত সঞ্চাৰে
চঞ্চল-পদৰ মঞ্জু লয়ৰ মদ ঝংকাৰে
লজ্জা-তিৰোহিত সন্ধ্যাৰ কামোদিত সুহাসে
চঞ্চল-পদৰ মঞ্জু লয়ৰ মদ ঝংকাৰে
লজ্জা-তিৰোহিত সন্ধ্যাৰ কামোদিত সুহাসে
বৃন্দ-তৰা যত
সান্ধ্য অমৰা-গত উল্লাসে
নৃত্য-গীত সভা মুক্ত ক্ষণপ্রভা সনিঃশ্বাসে
ইন্দ্রপুৰী আজি ভিন্ন ৰূপেৰে সাজি বিন্যাসে
নৃত্য-গীত সভা মুক্ত ক্ষণপ্রভা সনিঃশ্বাসে
ইন্দ্রপুৰী আজি ভিন্ন ৰূপেৰে সাজি বিন্যাসে
কবি:-
ණজ্যোতিষ কুমাৰ দেৱ ।
No comments:
Post a Comment