যাজ্ঞসেনীৰ দুখ

যাজ্ঞসেনীৰ দুখ
------------------------------
# শিল্পীকা মধুকল্য
-------------------------------

যাজ্ঞসেনী,
কুৰুক্ষেত্ৰলৈ আৰু কিমান দিন বাকী?
পঞ্চউপযন্তাৰ বাবেই নেকি
তোমাৰ কান্দোনত
সৰে শৈৱলিনী
ভাঙি পৰে ক্ৰন্দসীৰ
যোগনিদ্ৰা ফাল্গুনী ৰাতি।
পাশাখেলত পৰাজিত
পঞ্চপাণ্ডৱক দেখি
যাজ্ঞসেনীৰ বুকুৱে বাগৰে
অন্তঃসলিলা
আৰু ক্ৰোধৰ হিন্দোলনৰ ধ্বনি।
গন্ধোত্তমাৰক্ত দুঃশাসন
বস্ত্ৰহৰণৰ মাধ্যন্দিন
ভাঁহি আহে যাজ্ঞসেনীৰ কৃষ্ণ বিননি।
সন্ধুক্ষণ ভীমৰ প্ৰতিজ্ঞা
তোমাৰ বাবেইটো
যাজ্ঞসেনী।
শকুনিৰ দুচকুত প্ৰতিশোধৰ জুই
সত্য প্ৰতিষ্ঠাৰ বাবেই
নিঃশেষ হ'ল কুৰুপক্ষ।
তেজাল কুৰুক্ষেত্ৰ
চোৱা এবাৰ চকু ফুৰাই
তথাপিও কিয় মহঙা ঐক্যত্ম্যকাৰ স্বপ্ন সন্দীপিত
যাজ্ঞসেনী তোমাৰ?
কীলাকাৰ শিলালিপিত খুদিত
যাজ্ঞসেনীৰ দুখ আৰু চকুলোৰ কথা।
শেষ হৈও শেষ নোহোৱা
সম্বোধিৰ আখৰা ।।