আলাপ

আলাপ
======

অৰণ্যবোৰ জয়াল
শব্দৰ আলাপ৷

সূৰ্য্যক আকোঁৱালি
এঙাৰহোৱা সময়বোৰে
তত হেৰুৱাই৷

জহি যায়
খহি যায়
লাজৰ ওৰণি৷

সূৰ্য্য অস্ত যায়৷
ৰাতিবোৰে সাৰ পায়৷

চহৰৰ ৰাতি মাতাল
অৰণ্যৰ ৰাতি জয়াল৷

চহৰবোৰ জ্বলাবলৈ সাৰে থাকে৷
অৰণ্যবোৰ জ্বলি জ্বলি সাৰে থাকে৷

আশা: চহৰবোৰ আকৌ অৰণ্য হ’ব৷
অৰণ্যবোৰ আৰু গাঢ় হ’ব৷

নিৰাশাঃস্বাৰ্থপৰতাৰ আঁচোৰত ক্ষত-বিক্ষত
সেউজীয়া৷

পুনশ্চ: সকলো ক্ৰিয়াৰে এক বিপৰীতমুখি
প্ৰতিক্ৰিয়া থাকে৷

প্ৰলাপ: চাপৰিলেই মেঘ নাঁতৰে৷

    ---ইন্দিৰা গোস্বামী
        নলবাৰী