ধৰ্ষিতা নাৰী ধৰ্ষিতা পৃথিৱী
ধৰ্ষিতা নাৰীৰ দৰে
ধৰ্ষিতা পৃথিৱীৰ
কান্দোনত
আক্ৰোশ কৰে
বেলিটোৱে
বৰষুণে বিদ্ৰোহ কৰে
ধৰ্ষণ ক'ত হোৱা নাই,
জলাশয়,নদী,পাহাৰ
সকলোকে ধৰ্ষণ কৰি
বাঢ়ি আহিছে নগৰবোৰ
মানুহবোৰৰ লাহ-বিলাহ।
পৃথিৱীৰ তেজেৰে ৰাঙলী
ধৰ্ষক মানৱৰ
আধুনিকতাৰ কিৰিলি।
দোষীৰ কোনো শ্ৰেণী নাথাকে
ৰজা/ প্ৰজা/জাতি/ধৰ্ম
সকলোকে
শাস্তি বিহা হওঁক
যিয়ে ধৰ্ষন কৰিছে পৃথিৱীক
অৰণ্যমানৱ
যাদৱ পায়েঙক
পাতি দিয়া হওক
বিচাৰক
এখন আইন প্ৰণয়ন হওক
দুধৰ্ষ আইন
যাৰ নাম শুনিলেই
কপি উঠিব ধৰ্ষণকাৰী
ৰক্ষা হওঁক প্ৰকৃতি
ৰক্ষা হওঁক নাৰী
এখন আইন প্ৰণয়ন হওক
দুধৰ্ষ আইন
ধৰ্ষকৰ বিৰুদ্ধে।
কবি:-
ණ গায়ত্ৰী ফুকন ।
No comments:
Post a Comment