আখৰুৱাৰ আপদীয়া
পদ্য
(১)
তল পাকে হাত পাতি
ঘটে ধন বিত
মাক বাপেকৰ কাহানিও নুবুজিলে চিত
বৰ্খাস্তৰ নিউজ
পাই হ'ল ফিউজ
ঘৈণীয়েকে পেপাৰ চায় কোন চিনেমা হিট ৷৷
মাক বাপেকৰ কাহানিও নুবুজিলে চিত
বৰ্খাস্তৰ নিউজ
পাই হ'ল ফিউজ
ঘৈণীয়েকে পেপাৰ চায় কোন চিনেমা হিট ৷৷
(২)
মাকতকৈ জীয়েক কাজি
তিনি তোলাই চাৰ
ঘঁহা পিহাৰ নামে মাহে তেৰ হাজাৰ ধাৰ
দেখাই শুনাই অপেশ্বৰী
যেন শুকান জেওঁৰা খৰি
ফেইচ বুকক দি থৈছে দৰা চোৱাৰ ভাৰ ৷৷
ঘঁহা পিহাৰ নামে মাহে তেৰ হাজাৰ ধাৰ
দেখাই শুনাই অপেশ্বৰী
যেন শুকান জেওঁৰা খৰি
ফেইচ বুকক দি থৈছে দৰা চোৱাৰ ভাৰ ৷৷
(৩)
কণিবিহৰ গুটি তাৰ
একেটি পুতাই
বাপেকৰ জেপ লুটি চিলি চিকেন খায়
টাংগুটিত এক্সপাৰ্ট
বৰেৰ পুৱাই খেলা ষ্টাৰ্ট
পৰীক্ষাত মস্ত মস্ত ৰসগোল্লা পায় ৷৷
বাপেকৰ জেপ লুটি চিলি চিকেন খায়
টাংগুটিত এক্সপাৰ্ট
বৰেৰ পুৱাই খেলা ষ্টাৰ্ট
পৰীক্ষাত মস্ত মস্ত ৰসগোল্লা পায় ৷৷
কবি :- ණ খগেন সেন ডেকা ৷
No comments:
Post a Comment