"আকৌ কেতিয়াবা" কবি :- ණ অংকুৰ শইকীয়া

"আকৌ কেতিয়াবা"

আকৌ কেতিয়াবা মন দো গ’লে
তমসা বুকুত পোহৰৰ বাট বুলো
কাঁইটৰ মাজতো ফুলৰ সুৱাস বিচাৰো
বুকুৰ কেচাঁসোণ বুলি বুকুত সামৰো
কিজানিবা তাত মিঠা ওঁঠৰ উস্ম ৰহন সানা ৷

নাইবা,
ফাগুনীয়া যৌৱনৰ মাদকতাত বুৰ যাওঁ
হাত বাউলী দুবাহুৰ খাজত খুপনি পুতাৰ হেপাহ
কিজানি কেতিয়াবা জীৱন নদীৰ কাষত বহি ৰোৱা
মৰমৰ সুঁতত তাৰ গভীৰতা জুখি চোৱা ৷

আকৌ
নোপোৱাৰ বেদনাতে চাও নীলা আকাশৰ বুকু
তৰাফুলীয়া সপোনৰ খোজত দূৰ দিগন্তলৈ
কিজানিবা তাৰ মাজতেই আছা এটি তৰা হৈ
ভিৰৰ মাজত হেৰাই যোৱা.... বহু দূৰ বিচাৰি হৃদয় ব্যাকুল হোৱা ৷

কবি :- ණ অংকুৰ শইকীয়া ৷