"শঙ্কৰদেৱ" কবি :- ණ লীনা হাজৰিকা ৷

শঙ্কৰদেৱ
চণ্ডালৰ পৰা ব্ৰাহ্মণলৈকে
একতা ডোলৰে
মিলন সেতু গঢ়া
একশৰণ নৱ বৈষ্ণৱৰ
জগত গুৰু শ্ৰী শ্ৰী শঙ্কৰদেৱৰ
জাতীয়তা ভাব ধাৰাৰে উদ্ভাসিত
বৃহত্তৰ অসমীয়া জাতি
আজি ক'ত ?

শঙ্কৰৰ অপাৰ মহিমা
সোঁৱৰণ কৰিবলৈ
লুইতৰ দাঁতিত
গঢ়ি উঠা
অসমীয়া জাতিৰ
জহি-খহি যোৱা
শৰীৰৰ অংগ -প্ৰতঙ্গবোৰ
একত্ৰিত কৰিবৰ হ'ল ।

সন্ত্ৰাসৰ নামত অস্ত্ৰ
স্ব-শাসনৰ নামত বিভেদ
অসমীয়া জাতিৰ কলংক
মচিবৰ হ'ল ,
বুকুৰ কুটুম খিলঞ্জীয়া
হিন্দু-মুছলমানকআদৰি
শঙ্কৰৰ বৃহত্তৰ অসমীয়া
জাতি গঢ়ি
ছটিয়াই যাওঁ মানৱ প্ৰেমৰ
মহান আদৰ্শ ।

কবি :- ණ লীনা হাজৰিকা ৷