"ভালপাওঁ বুলি নক'বা মিছাই" কবি :- ණ জোনমণি গগৈ ৷

"ভালপাওঁ বুলি নক'বা মিছাই"

তোমাৰ দৰে মোৰো আছে
এখন হৃদয়…
ভালপোৱাৰ ৰঙেৰে ৰঙীন৷
ঠুনুকা
আলসুৱা…৷

মিছাকৈ নক'বা ভালপোৱাৰ কথাবোৰ
হৃদয়খন ভাঙি চিৰাচিৰ হ'ব
তোমাৰ দৰেই…৷
যিদৰে কাৰোবাৰ কঠিন প্ৰতাৰণাত
তুমি ক্ষত বিক্ষত হোৱা ৷

তোমাৰ দৰেই মোৰো সপোনবোৰ
পোখা মেলে
ভালপোৱাৰ আব্দাৰত ৷
সেই সপোনবোৰ ভাঙিব নিদিবা ৷
জানাইতো…
সপোন ভাঙিলে বৰ কষ্ট হয় ৷

নুজুখিবা হৃদয়৷
মৰমবোৰ উপচি আছে তাত
তোমাৰ দৰেই…
হানিখুচি বিছিন্ন নকৰিবা ৷
হয়তো তোমাৰ দৰে
ভালপোৱা একে নহ'ব পাৰে মোৰ
অথবা
প্ৰেম সম্পৰ্কে ধাৰণা ৷
নতুবা…
তোমাৰ দৰে
অগভীৰ
পাতলীয়াও নহ'ব পাৰে ৷

তুমি বিচৰা ধৰণে
ভালপোৱাৰ বাবে নালাগে
শৰীৰৰ ৰং
অথবা আকৃতি?
লাগে মাথো এখন
বিশাল হৃদয় …
য'ত ভালপোৱাবোৰ
থুপ খাই থাকে
তোমাৰ বা মোৰ দৰেই…
ভালপাওঁ বুলি নক'বা মিছাই
দুখবোৰ সহিব নোৱাৰি
তোমাৰ দৰেই ৷৷৷৷৷

কবি :- ණ জোনমণি গগৈ ৷