বহাগ আৰু ভূপেনদা -ණ লীনা হাজৰিকা

বহাগ আৰু ভূপেনদা

শূন্য ভূপেনদা উকা উকা বহাগ
ৰঙালীত ডেকা-গাভৰু চিত্ত উদাস
ছাটি ধৰা নিবনুৱা
ৰিঙা ৰিঙা জীয়া বিহুতলী
বাপতি সাহোন ৰঙালী বিহু মহঙা
জুই-চাই দাম, ৰক্ষণশীল সমাজৰ বেহু ,অপৰিপক্ক ব্যৱস্থা !

ভূপেনদা বিহীন বসন্তত
লঠঙা গছৰ কুঁহিপাতে
খৰাং, ধুলি বতাহৰ উন্মাদনাত নিঃশব্দে ফেঁকুৰিলে ।

বা-মৰলিয়ে কালবৈশাখীৰ বেশত
ভূপেনদা বিহীন ঋতুত নিৰ্বনীকৰণৰ ক্ষোভত
এমূৰৰ পৰা মহটিয়াই তহিলং
বৰলুইতে শোকে বেজাৰে
'মেগা'বান্ধৰ খঙত
পাৰত কোবাই
দেহৰ মঙহ চপৰা চপৰে খহালে ।

আহো বোলা উগ্ৰপন্হীজাক
ভূপেনদা বিহীন বহাগত
যেন কাৰোবাৰ ওপৰত বিতুষ্ট হৈ
মূলসূঁতিলৈ উভতি নাহিল ।

কবি:-ණ লীনা হাজৰিকা ৷