অভিন্ন

"অভিন্ন"
----------

অনুভৱৰ আধিক্যতাবোৰত নাথাকে
জীৱন মৰুৰ প্ৰকৃত মূৰ্চনা
কলাত্মক সৌন্দৰ্যৰ জটিলতাত
থাকিব পাৰে আকুঁলতা !
বেসুৰীয়া জঞ্জাল লৈ
কিয়নো আকেঁ চকামকা দৃশ্যপট ৷৷

সেউজীয়াৰ দলনিত নুফুলে
জীৱনৰ কাঞ্চনলতা
আক্ষৰিক মৰুদ্যানৰ সজীৱতাত
গজিব পাৰে অনল চন্দামিতা ৷
বেষ্টনীৰ মায়াজালত পৰি
কিয়নো ককবকাই আধালেখা সন্ধ্যা ?

নান্দনিক কলুষতাত নোলাই
জীৱনৰ পুৱতি তৰা
কাচঁলি উদঙাই থকা স্ফুৰণত
উজলিব পাৰে স্মৃতিৰ দীপান্বিতা ৷
চৰম দৈন্যতাৰ টিঙত গৈ
কিয়নো হেৰুৱাই শুভ্ৰ স্বকীয়তা ?

কবি:-

ණকিশুৰ ঠাকুৰীয়া ।