সুপ্ৰভাত
কিমান শুনাবা আৰু
বেসুৰা গান
ধ্বংস আৰু বিনাশৰ মন্ত্ৰ ,
নালাগে নাচাওঁ গভীৰ নিশাৰ
হৃদয় বিচুৰ্ণ কৰা
নগ্ন নুপুংশক নৃত্য ।
আন্ধাৰৰ ফাঁকে
ফাঁকে
মায়াবী হাতোৰাৰে
কিমান পাতিবা মৰণৰ খেল ,
শিৰৰ সেন্দুৰ মচিবা কিমান
বুকুত মাৰি আগ্নেয় শেল ।
মায়াবী হাতোৰাৰে
কিমান পাতিবা মৰণৰ খেল ,
শিৰৰ সেন্দুৰ মচিবা কিমান
বুকুত মাৰি আগ্নেয় শেল ।
নিশাৰ আন্ধাৰে
গোপনে উচুপে
ভয়াৰ্ত তোমাৰ দুচকুত ,
তেজৰ ফাকুৰে
ৰাঙলী দুহাত
লভিছা জানো শান্তি বুকুত ?
গোপনে উচুপে
ভয়াৰ্ত তোমাৰ দুচকুত ,
তেজৰ ফাকুৰে
ৰাঙলী দুহাত
লভিছা জানো শান্তি বুকুত ?
সময় থাকতেই
ধুই পেলোৱা
তেজেৰে ৰাঙলী হাত ,
বিষাদৰ দিনবোৰ
দলিয়াই চোৱা এবাৰ
সম্মুখত ৰৈ আছে সুপ্ৰভাত ॥
ধুই পেলোৱা
তেজেৰে ৰাঙলী হাত ,
বিষাদৰ দিনবোৰ
দলিয়াই চোৱা এবাৰ
সম্মুখত ৰৈ আছে সুপ্ৰভাত ॥
কবি:-
ණসুভাষ দাস
No comments:
Post a Comment