এসময়ত এটা নাম আছিল তাইৰ

এসময়ত এটা নাম আছিল তাইৰ

দুকুল উপচাই প্ৰেমৰ নৈ বোৱাই
বুকুৰ আপোনজন গুচি যায় অজান মুলুকলৈ
তাইক দি যায় এটা এটা নীলা হৈ পৰা অসুখ
এখন উকা চাদৰে যাক ঢাকি থয়
সেই হেৰোৱাই পেলোৱাৰ ৰোগ

এসময়ত
তাইৰ অন্তৰত এখন চঞ্চল নিজৰা
বৈছিল বুলি এটা কাহিনী লিখা হয়
আৰু সকলো নিৰৱ হৈ পৰে
কেৱল তাইৰ অন্তৰত ঢপঢপাই থাকে
এটা অস্থিৰ হেৰোৱা সপোন

আইনাখনেহে তাইক চাগে বুজে
সেয়ে প্ৰতিবিম্বত ফুটি উঠে
উকা শৰীৰৰ সিক্ত দুচকুত বান
খৰালিও নুশুকাই পিতনি যেন মন
কোন তাই সুধিলে লিখা হয় ঠিকনাত

নাৰী
মা
ভনী
পত্নী
প্ৰযত্নে সধবা বা বিধবা......

( অলপতে বুকুৰ আপোনজন হেৰুৱা মোৰ মৰমৰ ভনী সম বান্ধৱী এজনীৰ বাবে মনত জাগি উঠা ভাবনা এটি প্ৰকাশ কৰিলো |)

কবি:-

ණনীৰুপমা ডেকা ।