টোৰা :- সংগীতা মেধি

সোঁ সোঁৱাই বলা ধুমুহাজাকত
ইমান বেদনা নাছিল
.
যিমান অশ্ৰু বাগিছাৰ ৰিৱৰিৱ মলয়াজাকত ভাহিছিল৷
.
ধুমুহাজাকে খোপনি
পুতিবলৈ শিকাইছিল
আৰু সুঘ্ৰান মলয়াই
কেৱল বিলাস কৰিবলৈ…
.
ধুমুহাজাক নহা হ'লে
পৰিপক্কতাৰ দ্বাৰ
মুকলি নহ'লহেঁতেন৷
ধুমুহাজাকেই মানুহ
হ'বলৈ শিকালে৷
.
পীতাম্বৰী ভুলবোৰ
বিধ্বংসী বতাহজাকে
সৰুৱাই নেপেলোৱা হ'লে
শ্যামলী শুধৰণিৰ কুঁহিপাতে
ক'তনো সৰিকা জিলিকালেহেঁতেন!!
.
(টোৰা- ধান কটাৰ পিছত মুঢ়াৰ পৰা আকৌ ওলোৱা দুটা-এটা পোখা)