ৰাজনীতিৰ চুচুংফাক্ ----- ৰীণা বুঢ়াগোঁহাই

ৰাজনীতিৰ চুচুংফাক্

ৰীণা বুঢ়াগোঁহাই

ৰাজনীতিৰ ৰাজ কোনেনো বুজি পায়
বৰ বৰ সেনানীও ধৰাশায়ী হাঁ‌য় ।
আয়াৰাম গয়াৰাম ৰাজনীতিৰ খেল
ইপক্ষই সিপক্ষক মাৰে বিষ শেল ।
মই বৰ ভাৱত প্ৰতিজন যোদ্ধা
সুযোগ পালেই লুটিপুটি পূৰাব ক্ষুধা ।
ক্ষুৰধাৰ সমালোচনাত সকলো পাকৈত
বিপক্ষক লেং মাৰি পেলাই খাৱৈত ।
চল পালেই চাপৰি বজাই কৰে হামোৰ-কামোৰ
যেন দহ দিন দহ ৰাতি নোখোৱা ভোকাতুৰ ।
দেশৰ হকে পিঠি দি নিজৰ সাতগোষ্ঠী উদ্ধাৰে
পাঁ‌চ বছৰতে গোটাই নললে যে জীৱন নেযায় সুখেৰে ।
ভোট বিচাৰি নমস্কাৰ দি হাতৰ বিষ উঠিল
পাঁ‌চ বছৰত মালিচ কৰি কথমপি ভাল কৰিল
কি কাৰনেনো তেওঁলোকে উদ্ধাৰ কৰিব দেশ
অভিনয় কৰি দেশসেৱকৰ ধৰিছিল বেশ ।।