দুভৰিত শেৱালীৰ জুনুকা পিন্ধি
ঘৰমুৱা হ'ল শৰৎ,
হেমন্তৰ হাতত সঁপি দি গ'ল
নিয়ৰৰ টোপ টোপ গান ।
হেমন্তৰ হাতত সঁপি দি গ'ল
নিয়ৰৰ টোপ টোপ গান ।
সেৰেঙা বতাহৰ বোকোছাত
হেমন্তই সুৰসুৰাই,
বাঁহৰ পাতত ওলমা জোন
দূবৰিত জাহ যায় ।
হেমন্তই সুৰসুৰাই,
বাঁহৰ পাতত ওলমা জোন
দূবৰিত জাহ যায় ।
ৰাতিৰ দুখবোৰ নামি আহে
কুঁৱলীৰ ছাদৰ লৈ,
পালেং শাকৰ বিছনাত
শুই থাকে হেমন্ত ।
কুঁৱলীৰ ছাদৰ লৈ,
পালেং শাকৰ বিছনাত
শুই থাকে হেমন্ত ।
হেমন্ততে সোণোৱালী হয়
পথাৰৰ সপোন,
ভঁৰালৰ চোতালত নাচে
সুৱাগমণি ধান ।
পথাৰৰ সপোন,
ভঁৰালৰ চোতালত নাচে
সুৱাগমণি ধান ।
~হিমাংশু ভাগৱতী
সদস্য, আখৰুৱা : literati
সদস্য, আখৰুৱা : literati
No comments:
Post a Comment