চকুৰে নেদেখা মহাজগতৰ
কোনোটোহঁত চুকত
ঘূৰি আছে আমাৰ জগত
কি বিশাল
কি মৌন
কোনোটোহঁত চুকত
ঘূৰি আছে আমাৰ জগত
কি বিশাল
কি মৌন
আমাৰ জগতখনৰ চকুৰে নমনা
কোনোটোহঁত চুকত
চকু মেলিব নৌপাওঁতেই
অন্ধকূপত ভৰাই পেলোৱা হৈছে সৌন্দৰ্য
কোনোটোহঁত চুকত
চকু মেলিব নৌপাওঁতেই
অন্ধকূপত ভৰাই পেলোৱা হৈছে সৌন্দৰ্য
যেনেকৈ সকলোৰে অগোচৰে ফুলি উঠা চম্পাজোপা
নিধন কৰা হৈছিল স্বচ্ছাভিযানত
নিধন কৰা হৈছিল স্বচ্ছাভিযানত
কোনোটোহঁত চুকত
অৰণ্য বৰুৱাৰ মাতৃয়ে
জালি পৰা চকুৰে মনি মনি
আখলত চাউল সিজাইজে
অৰণ্য বৰুৱাৰ মাতৃয়ে
জালি পৰা চকুৰে মনি মনি
আখলত চাউল সিজাইজে
কোনোটোহঁত চুকত
কোনোজন ঔৰংগজেৱে
নিজৰ জানাজাৰ খৰচ ভৰি গৈছে
কোনোজন ঔৰংগজেৱে
নিজৰ জানাজাৰ খৰচ ভৰি গৈছে
কোনোটোহঁত চুকত
পুঠি-খলিহনা বহুতে
দ্ৰৌপদীৰ বস্ত্ৰহৰণ কৰি আছে
ৰৌ-বৰালিয়ে চাই আছে
পুঠি-খলিহনা বহুতে
দ্ৰৌপদীৰ বস্ত্ৰহৰণ কৰি আছে
ৰৌ-বৰালিয়ে চাই আছে
ভাওনাৰ দৃশ্যান্ত নহয়
কালৰ চলতি সূৰুযে জনাই আছে
নিঃশব্দে
নিঃশব্দে
জোনাক নিশা গুণগুণ গুণগুণ নৈশব্দেৰে
কথা পাতে
আমাৰ গাঁৱৰ বুঢ়া মানুহজনে
নিজৰ স’তে
নে
ক’লা মেকুৰীটোৰ স’তে
নে
মহাজগতৰ স’তে
কথা পাতে
আমাৰ গাঁৱৰ বুঢ়া মানুহজনে
নিজৰ স’তে
নে
ক’লা মেকুৰীটোৰ স’তে
নে
মহাজগতৰ স’তে
~ হীৰকজ্যোতি বৈশ্য
সদস্য, আখৰুৱা : literati
সদস্য, আখৰুৱা : literati
No comments:
Post a Comment