অনুৰণনঃ (মাইক্ৰ'কাহিনী-১৭৮)

আখৰুৱাৰ অণুগল্প : অক্টোবৰ, ২০১৭

___________________________
কোলাহলঃ

পঢ়া-শুনা ক'তোৱেই সুফল দেখুৱাব নোৱাৰা সন্তানটোৰ ভৱিষ্যতক লৈ দুশ্চিন্তাগ্ৰস্ত দেউতাকে ক্লান্ত ভৰিৰে আজিও ঘৰলে' উভতিল।

তাৰ বুকুখন কঁ‌পি উঠিল। ভয়ে-ভয়ে সি দুৱাৰ খুলি দিলে।

দেউতাকে সুধিলে- মোৰ এৰি অহা বাঁ‌হীটো কোনে বজাই আছিল?

সি ততালিকে বাঁ‌হীটো পিছফালে লুকুৱাই থ'লে।

দেউতাকে ক'লে-বজা সোন। সুৰটো আকৌ বজা। বাহিৰত বহুত কোলাহল। তোৰ সঁ‌চা বাঁ‌হীৰ সুৰে মোৰ অন্তৰ শাঁ‌ত পেলাইছে।

@জয়ন্ত আকাশ বৰ্মন